افلاک سے آتا ہے نالوں کا جواب آخر
کرتے ہیں خطاب آخر اٹھتے ہیں حجاب آخر
احوال محبت میں کچھ فرق نہیں ایسا
سوز و تب و تاب اول سوز و تب و تاب آخر
میں تجھ کو بتاتا ہوں تقدیر امم کیا ہے
شمشیر و سناں اول طاؤس و رباب آخر
مے خانۂ یورپ کے دستور نرالے ہیں
لاتے ہیں سرور اول دیتے ہیں شراب آخر
کیا دبدبۂ نادر کیا شوکت تیموری
ہو جاتے ہیں سب دفتر غرق مے ناب آخر
خلوت کی گھڑی گزری جلوت کی گھڑی آئی
چھٹنے کو ہے بجلی سے آغوش سحاب آخر
تھا ضبط بہت مشکل اس سیل معانی کا
کہہ ڈالے قلندر نے اسرار کتاب آخر
حافظ محمدشبیر کا برمنگھم پہنچنے پر شاندار استقبال
آئندہ 24گھنٹوں کے دوران ملک کے بیشتر علاقوں میں موسم گرم اور خشک رہے گا، محکمہ موسمیات
سٹیٹ لائف انشورنس کارپوریشن نے 2016ءکے دوران پریمیئم کی مد میں 76 ارب روپے وصول کئے
پاکستان بمقابلہ سری لنکا پہلا ٹیسٹ، پہلے روز کا اختتام
صدر مملکت ممنون حسین کا نیشنل ٹیکسٹائل یونیورسٹی کے کانووکیشن سے خطاب